U·IATTIMGIPAONI
Shillong: Shillong songjinmao niam reti-ko dal·en pe·anganiko nikangaha jeon police dol HITO dolna chakpagipa mande jinmako gimaatna tear gas-ko bang·bate jakkalaha aro stun grenade-rangko jakkalaha aro lahti charge-ko komie dakangaha aro water canon-kode jakkalangsrangja.
Mongolbar salo niam reti-ko pe·anina Section 171 Indian Panel Code aro Meghalaya Police Act 2010-ni Section 105-ni dongimin niamo gisim uniform-ko jakkalanganina HITO-ni kosako police ja·ku ga·angaha.
HITO niamgri Black Uniform jekon SWAT ba SOT police siparangni gita ganenggipako jakkalenga ine Meghalaya Police ka·dongbeen parakangaha.
Meghalaya Police Act 2010, Special Weapons and Tectics ba SWAT ba Special Operation Team (SOT) aro Act-ko Special Force-10-ko ra·chakna taria dongja, ine Meghalaya Police Act 2010 maming janapa dongja, ine parakataha.
SF-10 badge baksa kosako camouflage gangipa aro sub inspector-ko SF-10 sipairangni uniform-o man·chapata indiba Mongolbar salo nika SF-10 sipairang maidakgipa niam provision-ni ning·o uamangni a·sol uniform-oni Black unifrom-ona dingtangataha.
Black Uniform-ko ganangani Section 171 IPC-o HITO golmal ka·aha indiba Meghalaya police niamni gita official lekkako Act-ni bidingo SOT ba SWAT ba SF-10-ni uniform-ko talatanga dongama dongja, Meghalaya police susaangani bidingo law-ni kachario uamangni mamla-na jera ra·grikangaha.
