U·IATTIMGIPAONI
SHILLONG: VPP-ko Garo Hills-onaba sokatangna gita party jotton ka·enga ine VPP president Ardent Basaiawmoit aganaha.
“Chinga Garo Hills-ni manderangko grongenga aro uamangni aganchakanirang namen nama, maina a·doko regional party-rangni gisepo uamang VPP-kon nambate nikenga,” Basaiawmoit aganaha.
KHADC election ong·nasienggipani bidingo aganengon, KHADC-ni gimik ge 30 seat-rangon VPP, uamangni candidate-rangko susaatgen aro JHADC-oba uamangni candidate-rangko susaatna gita candidate-rangko sandienga, ua aganaha.
“VPP-ko bikotani somoion chinga manderangna taleroken aganman·aha je, chinga election-o susaaigipa party-san ong·aijawa indiba a·doko manderangni nanganirangko aro neng·nikanirangko session-rango agan-janapgen,” Basaiawmoit aganaha.
