U·IATTIMGIPAONI
SHILLONG: Salbonga ong·atgipa Meghalaya Legislative Assembly-ni autumn session mijalo matchotaha, jeon mikkangchi a·dokni namgnina mingchet Bill-rangkoba ra·chake donangaha.
Chief Minister Conrad Sangma, jean finance-koba jako ra·engachim, ua Meghalaya Appropriation Bill (No. III), 2023-ko chanchina ra·baaha, uni ja·mano Education Minister Rakkam Sangmaba Captain Williamson Sangma Technical University ( Amendment) Bill, 2023-ko chanchina ra·baaha.
Apsandake Rajital University(repealing) Bill, 2023-ko House-o ra·chakaha.
Indake private university-rangoni chu·onga gita aganchakatanirangko on·jani gimin Private University Commission Act-ko ra·galna gita mingsa ordinance-koba ra·chake donangaha.
Meghalaya Goods and Servics Tax( Amendement) Bill, 2023-koba Sukrobaro ra·chakaha.
MDA Sorkari re·anggipa Meghalaya Goods and Service Tax (Amendment) Ordinance, 2021-ko adita namdapatanirangko dakahachim.
Iani ja·mano Meghalaya Lokayukta (Amendement) Bill, 2023-koba ra·chakaha.
House-o, Legislative Assembly of Meghalaya (Member’s pension) (Amendment) Bill, 2023-koba ra·chakaha.
Iarang baksana, Meghalaya Medical Council (Amendment) Bill, 2023 aro National Law University of Meghalaya (Amendment) Bill, 2023-koba ra·chakaha.
