U·IATTIMGIPAONI
SHILLONG: Shillong-o traffic jam ong·aniko namatna altua ong·ja, Shillong Traffic police kam ka·gipa mande tiktak ong·aia, ramako a·palatna aroba garirang bang·bat-roroe traffic jam ong·ako komiatna chol donggijani ong·enga.
Songjinmao indinan garirang jam ong·enga uni kosako komibeoba salprakon bol 30 ba 40 gital gital garirang songjinmani ramao salenga. Minggipin bol 80-mang SPTS, gipin bas aro maxi cab-rang salantion Shillong-ni ramao re·enga, Shillong police aganaha.
Police traffic-o name dakna jotton ka·enga indake sak 160 ba 180-mang traffic police ramao dong-enga indiba salantian ramaona gital gital garirang ong·katdapanichi Shillong-o ramako a·palatna chol dongja, koboro aganaha.
A·songni bang·a song-jinmarango chaka ronggni salgipa garirangna ding-tanggipa lane donga indiba ia an·chingni Shillong songjinmao rama-rang chonani a·sel indak-gipa provision dongja. Songjin-mao ramarangko a·pal-batatna biaprangan dong-ani gimin chaka rong-gni salgipa garirangna biap apchangketgipa ong·enga.
Damgni commercial-rang jekai Motphran aro Police Bazar indakgipa biaprango police dolrang rakgipa niamrangko ra·-gatangna nangja, rama changketako komiatna sorkari dingtang dingtang project-rango kam ka·-angenga aro police dolba mande bilrangko jakkale jotton ka·enga jeon sor-karina proposal-rangko watatmanaha, ine ku·bal-tigipa aganaha. Sak 180 traffic police-rang aro sak 80 home guard-rangchi da·o Shillong songjinmao traffic-ko nirokangenga.
Traffic police-rangko bang·a biaprango dingtang dingtang manianirango naljokanina dongangna nangenga jeon mitamrang nangchong-motgipa program-rang ong·jaoba Dor-bar Shnong aro MLA-rang-chi mol·molataniko man·e jarikna nangenga.
