U·IATTIMGIPAONI
SHILLONG: Umiam dolongko name taripilkujaskal, metric ton (MT) 15-na bate bostu salruragipa garirangni re·ruraaniko champengna gita Ri Bhoi a·jani District Magistrate, Section 144 CrPC-ko ra·gate on·angaha.
Umiam dolong gita MT 15-na bate bostu salruragipa garirangni re·ruraanichi ia dolongna kenchakna nangani ong·enga ine IIT Guwahati-ni mikrakataniko on·angani ja·man, ia dolong gita MT 15-na bate bostu salruragipa garirangmi re·ruraaniko champengna Section 144 CrPC-ko ra·gatangaha.
