SHILLONG: State BJP mijalo Vice President-ni constitutional office aro Rajya Sabha house-ni Chairman-ni kosako kragija daka kamrangna matnange jegalaniko dakaha.
Rajya Sabha Chairman aro Vice President Jagdeep Dhankar-ko Trinamool Congress-ni dilgipa Kalyan Banerjee-ni Parliament house-o agan-balake roani video-ko mesokanina bang·a dilgiparang ka·o nangtokaha. Ia obostani gimin State BJP uamangni Shillong-o donggipa office a·palo jegalaniko dakaha.
‘Vice president-ko chonikaniara a·songko chonnikani ong·a, Vice President-ni office-ni niam aro bidikko mikchepe ra·anina chinga matnangata, jegalgipa biapo bang·a placard-rangko ra·e jegalangaha.
Ua obostani bidingo uamangni giskk sadikani suk ong·gijaniko State BJP Chief Spokesperson, M Kharkrang janapaha.
“Opposition party-rangni constitution chokkiko jean India-ni Vice president ong·a uko mande ra·gijaniko chinga raken jegalaha aro jegalna chinga ku·cholsan tom·dakaha,” Kharkrang.
“Ian mandeko ong·ja indiba chokkiko chinga mande ra·na nanga. Ua da·o niam aro bidikni kamko jako ra·enga maikai na·simang balekna man·a aro vice president-ko chonnikaniara jekon chinga ja·rikenga ua a·songni niam bidikko chonnikani ong·a” ua aganaha.
“Ia jegalani Vice President baksa chingni chakpaaniko mesokani aro ia pilak chonnikanirangko ua raken chakna nanggen maina a·songan uni dakna dakgni skanggipa una ong·a ia pilak chonnikaniko man·anirango chingni un baksa gisik sachakpaaniko mesoke chinga iano ku·cholsan jegalaniko dakenga,” State BJP koborna agantimgipa aganaha.
