Shillong: Re·baeng-gipa salrango bang·a MDC-rangni party-o napna amengani gimin NPP, KHADC-o dal·begipa ka·donganiko man·aha.
Robibaro u·iattimgi-paoni aganani gita NPP, bang·a sitting MDC-rang baksa golpoaniko dak-soaha.
U·iattimgipaoni gita, sitting MDC-rangoni je-mangan NPP-o namna krae nikahachim, uamangara Lambor Malngiang (UDP), Carness Sohshang aro Balajied Rani (uamang sakgnian Congress-ni ong·a) ong·aha.
Uno janapani gita, Sohshang-ba NPP-ni jako ra·gipa KHADC Executive Commitee (EC)-ni Exe-cutive Member ong·aha.
U·iattimgipani janapani gita, Laban-Mawprem-ni gitcha MDC, Ricky Shullai-ba NPP-o napna skenga.
Unbaksanaba Nong-poh-ni UDP MDC, Batskhem Ryntathiang-ba party-o napna gita NPP-ni dilgiparang baksa gol-poaha.
NPP-ni senior dilgipa jean an·tangni bimingko ra·jachina agane u·iata-hachim, ua agana, KHADC aro JHADC-ni bang·a sitting MDC-rang re·-baenggipa somoirango NPP-o namna skaniko parakaha.
