SHILLONG: ‘Namgipa chanchianiko dakna’ a·dok-ni Assambly-ni budget session a·bachengana skang dolgittam opposition dolrang tom·taniko dakna VPP, TMC Sonibar salo LO-ni chanchianiko dakna ra·bani ja·man opposition dolrang apsan bakrimang-aniona re·chakatengako nikna man·enga.
“Opposition dolni dilgipani gita ian namgipa chanchianiko dakaha aro dingtang dingtang political party-ni gita nangani-rangko sing·a ong·ode gimikan chakpaniko on·a nanga,” ine The Shillong Times-na State TMC Chief, Charles Pyngrope aganangaha.
February 16 tariko Assembly budget session-ko a·bachengatani somoio ku·cholsan ong·anio uamangni ku·rangko on·a a·dokni dolgittam opposition dolrangoni resource-rangko bang·batatna State Congress miksongenga.
Assembly tom·ao nanganirangna sing·anio opposition dolrangni ku·cholsan ong·e chadeng-na ia re·chakatani dilgipa ong·a ong·ode ine sing·-anina a·dokni TCM Chief aganchakangaha. “Ku·-cholsan chadengna ia sing·a ong·ja indiba maidakgipa mamla ia sing·anisa ong·enga. Opposition-o mamla jekon je political party-ni gita sing·doa ong·ode uan mamla jeon gipin political party-ba ku·cholsan ong·na sik-telaigen,” ine aganangaha.
“Iarang gimikan nanganio pangchaka,” ine ua agandapangaha.
