SHILLONG: Meghalaya Governor Phagu Chauhan jean February 16 tariko Budget session-o oprakani somoio House-o Hindi ku·sikchi aganna tik ka·a-nina Chief Minister Conrad K Sangma chakpaaniko aganangaha, je ku·siko aganna darangna niam on·aha ia apsan agangipa-kon English-chi segipako uamang on·anggen aro iako dakanggen.
A·dokni ge-3 official ku·sikrnagoni ge·sa English ku·siko aganani pal Governor-ni gita Hindi-ko jakkalangni bidingo jing-jinganiko man·enggipana chief minister aganchak-angaha. “Niamko chingni jarikanganio maming neng·nikani dongja ine CM aganangaha. Governor-ni katta aganna am·enggipako pe·skaangna provision-ko ua tariaha ine Assembly Speaker Thomas A Sangma aganangaha. A·selo pang-chake, Assembly-o ding-tang dingtang ku·sikrango bang·a MLA-rang aganna man·a, ine ua aganaha. Governor an·tangni man·ani kri aganangenga aro ua Hindi ku·siko agananggen, iano maming gualni dongja ine Chief Minister aganaha. “Anga chanchia, Governor-ni katta agangipao maiko miksongenga uasa mong-songgipa gamchatgipa ong·a aro mongsongbat-gipade agangrika jeon an·chingo a·dokna nang-chapgipa mongsonggipa neng·nikanirang dong-gipani bidingo agangrikna nangenggipa ong·a,” ine Sangma aganaha.
Trinamool Congress, maibakai indake aganaha Governor-ni hindi ku·sikchi agana chanchiani maming ong·jachim indiba BJP-chi dilenggipa ma·mong sorkari Meghalaya-o Hindi ku·sik-ko ra·gatna jotton ka·ani ong·enga, ine aganaha.
