SHILLONG: Meghalaya a·doko dingtang dingtang scheme aro project-ni kamrangko ka·anio indin koros ka·anirangko aro kam ka·sretanirangko India-ni Comptroller & Audit General (CAG)-ni report-rango parakrongengon, CAG-ni report-rangni bidingo Meghalaya Legislative Assembly-o chanchirimna gita Assembly-ni Speaker on·skajaengaha.
Meghalaya Legislative Assembly-ni Rules of Procedures & Conduct of Business-ni Rule 130 (A) ning·o, 2022 bilsini March 31 tariko bon·gipa bilsina Social & Economic Sector-ni bidingo CAG-ni report-ni bidingo chanchirimna gita Jaiaw-ni MLA Adelbert Nongrum, Assembly-na seatahachim indiba ia report-ko da·o Public Accounts Committee (PAC) niengkua ine Chief Minister-ni u·iataniko man·soahani gimin GAC report-ni bidingo chanchirimna on·na man·jawa ine Assembly-ni Speaker on·skajaha.
CAG-ni report-rangko PAC niengkuani gimin motion-rangko chanchirimaniona ra·bajachina gita Assembly-ni Speaker-na sedoatgipa chittio Chief Minister mol·molataha.
Indake ong·engon, a·songni darang biapon MLA-rangko, CAG-ni report-ni bidingo chanchirimaniko champenga dongja aro Constitution-oba CAG report-ko Assembly-ona ra·ange chanchirimaniko champenga dongja ine u·i-ma·sigipa manderang parakatskaaha.
Public Accounts Committee-ni jako ong·e nikuengmiting ong·genchimoba CAG-ni Report-ni bidingo chanchirimaniko Rules of Procedure aro Conduct of Business-oba champenga dongjachim ine u·iataha.
 |
ReplyForward
|
