Shillong: Commission baksa humang rights-ko niam pe·anina segatgipa mamlako bon·atna 2024 bilsini March 19 tarikoni 21 tarikona Commission-ni member-rang B. Giri aro PJP Hnanman Tura-o donganga ine Secretary, Meghalaya Human Rights Commission u·itaha.
2018 bilsio July 25 tariko North Garo Hills District-ni Mnaikganj songo bijoli nange sigipa nokdangni segri me·chikrangna Meghalaya Power Distri-bution Development Corporation Ltd (Me-PDCL)-oni tangka paisachi dakchakani gita tangka lak 1 prakko Commission man·e on·aha.
2019 bilsini February 11 tariko ka·sae on·gipa tang-kako chamaha aro ian ua somoionin donchipe dona-ko man·aha. Commission-ni ja·ku de·ani a·selsa benefi-ciary-rang jemangan Assam-oni ong·a jinmana parakatanichi ma·sina man·aha jeon Asssames ku·sikchi segipao gatataha aro 2024 bilsini March 20 tariko Tura-o segri me·chik-rangna chu·gimik tangka paisarangko on·aha.
2020 bilsini July 22 tarikoni a·bachengan baksa bijoli nange sigiparangna dakchakani gita tangka lak 2 hajal 50-ko on·a chamaha.
TURA: Pilak chatro chatrirangni palo chinga NEHU Tura campus-ni chatro chatrirang, batanggimin adita bilsirangoni election-rangko ong·atbajenganina Tura campus-o student union-na election-ko ong·jaengani bidingo janapatenga, chatro chatrirangni neng·nikanirangko aro nanganirangko on·a ba agangrike on·a nanganio Tura campus-o student union dongjanina dean student union welfare-ko ta·rake dakna nangani bidingo NEHUSU-ni Vice-Chancellor-ni gita North Eastern Hill University-ni Vice-Chancellor Prof. Shukla-na chittiko on·aha. Constitution-ni gita university-o ge·sa student union body dongna man·a ine Vice Chancellor aganaha. Ge-2 campus-rango post-ko sualna aro dakna nanggnirangni bidingo aro dingtang dingtang biap ong·ani a·sel chanchina niamrangko tariangtaigen, ine ua u·iataha
Tura NEHU campus-o ong·atna am·enggipa event-rang jekai university week aro gipin program-rang, election ong·ata ong·atkuna kingking student program-rang aro event-rangko ong·atanganio student council-an chu·gimik dakna nanggniko ja·ko ra·anggen.
Tura campus-o gimik dakgipa student-rangni ativity-rang aro program-rangko administration-ni gita dakdilangenga, chong·motan constitution rongtalen agana gimik dakgipa student-rangni program-rang aro activity-rangko student union-ni gita ong·atgnok, ine vice chancellor-na chinga u·iataha.
NEHUSU election-ko ong·atna skang, Tura campus-o interim body-ko bikotna nanga aro ia kan·dikgipa somoini gisepo election-ko ong·atna nangchongmota, ine vice chancellor-ko chhinga mol·molangaha.
Tura NEHU campus, NEHUSU, DSW aro gipin administrative member-rangni representative student-rang baksa ge·sa student union aro ge-2 campus-rang donganganio student union-ni constitution-ko taripiltaina agangrikna committee-ko songgen ine vice chancellor aganangaha.
Shillong NEHU campus aro Tura NEHU campus-na NEHUSU, official student union ong·gen aro campus-rangni gisepo post aro gadangrang-koba sualgrikanggen, ine bon·kame vice chancellor aganangaha.
