Shillong: Sonibar salni 2 bajirango Lunshyiap-ni Shanmari-o Public Health Engineering (PHE) department storage biapo dal·bee wa·al kamaha.
Wa·al kamanganio, HDPE pipe-rangni roll-rang jekon storage biapo don-gipa gimiko wa·al bilongen kamanichi kamgipa gimmikan jrongtokaha.
Champengani ja·ku gita ua biapni bijoli gimiko MeECL den·aha aro wa·al kamako kimitna man·ani ja·man apsan dake taripilangna man·aha.
Wa·al kamani bidingo ua attam 3 bajirangosa kobor man·aha ine Lumshyiap-ni Rangbah Shnong Phira Khongphai koborna aganaha. Ua ta·raken Fire and Emergency Service-ko okamataha aro ua somoini gisepon wa·al kimit-giparang sokbaaha ine ua agandapangaha.
Uni parakatani gitade, dal·begipa wa·al kamgipa sak 8-10 wa·al kimit-giparang kimitangaha.
Uamangni chanchi-chipani gitade chon-chongipa bi·sarang wa·al baksa kal·angaha aro PHE Store jeon PHE pipe-rangko chimongchakram biapni jolchipakona wa·alko gipatangna nanga ine ua aganaha.
Wa·al kamao lak 80-85-ni gita nangchongmotgipa bosturang gimaaha ine PHE Executive Engineer, A Sunn u·iataha.
Ia biapko department pakwate on·china uamang Dorbar Shnong baksa agangrikanggen jedakode uamang ia biapko name dake bera ka·na man·gen ine Sunn aganaha.
Lumshyiap Public Health Engineering (PHE) department storage biapo dal·bee wa·al kama
Date:
Share post:
Ku·pattianggipani gimin aro naljokanina ja·ku de·anina Executive Committee tom·gen ine Lumshyiap-ni Rangbah Shnong aganaha.
caption: Lumshyiap-o Meghalaya sorkarini PHE-ni GI pipe aro Plastic Pile chimonggipa biapo wa·al kamaha, wa·al kamani a·selko police am·sandiangenga.
