Nongpoh: Shillong Parliamentary seat-na susaenggipa dolrangni, mijal attamo Umsning-o election campaign ka·miting somoio Voice of the People’s Party (VPP) aro National People’s Party (NPP)-na chakgipa memborrangni gisepo nanggriktokaha.
Uamang dolgnini gisepo nanggrikaniara, mongsongde NPP candidate Dr. M Ampareen Lyngdoh-ni campaign ka·miting somoio VPP-na chakgiparangni ‘Ha u Prah’ ine chrik-a·bokani gimin ong·aha. Indake party dolgnina chakgiparangni gisepo jegrikanirang ong·aha. Indake ong·genchimoba obostarang namjabataona sokangna kenchakenba Dr. M Ampareen Lyngdoh, una chakgiparangko re·angtokaichina gita didianiko dakaha.
Unagreba chel·chakgipa dol, nanggrikgipa manderangni namjabatgipa obostarangona sokangna skangan champenganirangko dakaha aro jegrikanio bak donggipa mitampak manderangko sing·rokna gita police, Umsning Police Station-ona rim·angaha.
Sombar salo party ge·gittam candidate-rangan Umsning-ona campaign ka·na gita re·angtokahachim. Regional Democratic Alliance (RDA)-ni candidate Robertjune Kharjahrin pring 10 am bajio, VPP candidate Dr. Ricky AJ Syngkon 1 bajio aro bon·kame NPP canidate Dr. Mazel Ampareen Lyngdoh attam 5 bajio election campaign ka·eahachim.
