TURA: Sukrobar attamni 5:00 bajimango, Tura-ni Te·tengkol jolo, gari bolsako wa·al kamchipaha.
Gariko wa·al kamani bidingo kobor man·soa bakan Tura-o donggipa Fire & Emergency Service-ni manderang, ia biapona re·bae wa·alko kimitna jotton ka·ahachim indiba ja·manchakdugaahani a·sel gariko bon·pile wa·al kamgopaha.
Rasong gnangbee ia gariko wa·al kamanio darangba saknaanirangko man·jaha.
Ia garini nokgipako Lisandra R Marak minga ine ma·sina man·aha aro ua Te·tengkol jolo songdonggipaan ong·achim.
Ia gariko maikai wa·al kamahachim da·o dipet a·selrangko name ma·sikujaenga.
