SHILLONG: Ichamati-o sakgni manderangko so·otani mamlao sakgni KSU-ni memborrangko Shillong police rim·dapaha.
East Khasi Hills-ni SP, Rituraj Ravi agana, Shillong-ni Jaiaw-o April 17 tariko so·otani mamlao jak donggipako rim·dopaha, uko Osternic Marabaniang (bilsi 34) minga, aro uni pagipako Tila Marbaniang minga.
March 27 tariko Ichamati-o u·ina man·gija manderang sakgni mandeko doke siataha. Doka siatako man·gipa manderangko Esan Singh aro Sujit Dutta mingachim. Uamang sakgnian salantina hajira ka·e cha·gipa manderang ong·achim. Uamang sakgnini manggisiko Ichamati aro Dalda-ni man·aha.
Sigija manderangni nokdangni manderang-ni FIR ka·ani gita, ua a·selra Ichamati-o CAA-ko jegalaniko dakmiting somoio ong·aha.
SP una agreba manderangko tom·tome aro niamko ja·rike dongchina mol·molaha.
“Je u·ina man·gija manderangan niam aro retiko pe·ahachim, uamangko niamni gita raken sastiko on·gen,” ine SP aganaha.
Iana skang re·anggipa somoirangoba KSU-ni mitam memborrangko, Ichamati-o so·otani mamlao rim·tokaha, aro jemangan niam aro retiko pe·achim, uamangko rim·kuaha. KSU, Ichamati-o so·ota bidingo uamangni memborrangko rim·kugenchimode niam aro retio neng·nikani sokbagen, ine police-o mikrakataha.
