SHILLONG: Niam retina neng·nikataniko ong·-katatanio tol·e dakaniara maming namgniko ba namataniko man·jawa aro iani bidingo tabale-ona ra·bana uamang agangrik-na taraie donga ine a·dok sorkari parakataha.
“Ian kakketgipa ramao dakenga ong·ja uni gimin anga sima arina bate dakjachina mol·molata an·ching niam reti-ko jako ra·na man·ja. Jedakgipa neng·nikanirangna table-ona ra·bae asonge agan-grikna chinga tarie donga,” ine Deputy chief minister aro Home (Police) in-charge ong·gipa Prestone Tynsong kobor ra·timgipa-rangna aganangaha.
“DGP-ko chinga sing·manaha. Da·o am·san-dianiko dakangengaha mai ong·gen an·chingna ja·-mano nina. Dosi dakgipako rim·na sandina chingni kam ong·a,” ine Tynsong aganaha. Indakgipa cha-drapaniko sakantina je-galna nanga, ine ua aganaha. “Petrol boma ba ro·ong-rangko goanichi maming namgni ba nama-tani cholrangko man·hawa. A·doko songdonggipa sakantiko anga mol·mol-anga indakgipa niam retirangko jaktangtango ra·jachina,” ine Tynsong aganaha.
Songjinmao bang·a petrol boma galdapanirang-ko nikangna man·enga. Skanggipa Mawlai police station-o galdapangaha uni ja·man adita salrangni ja·man NEEPCO Director-ni biapo petrol galadapanga-ha aro uni ja·man Nongmen-song-o Deputy Chief Minister Sniawbhalang Dhar-ni noko galdaptaiaha.
Ichamati aro Mawlai Mawroh-o labour-rangko so·otani mamlao KSU-ni member-rangko police rim·na a·bachengaonin indakgipa chadrapani-rangko dakenga.
KSU-ni member-rangko rim·angkua ong·ode niam reti-na neng·nikaniko ra·-bana KSU, a·dok sorkariko mikrakataha. “Chinga bilakgipa mikrakataniko a·dok sorkarina on·angna namnika jeon chingni member-rangko rim·angkua ong·ode chinga ja·kurnagko de·anggen jeon a·dokni niam reti-na neng·nikaniko ra·bagen,” ine KSU-ni general secretary Donald Thabah mikrakataniko on·angaha.
Petrol bomachi chadrapani maming namako ra·bajawa: DC Minister Preston Tynsong
Date:
Share post:
