TURA: Assam-o Lok Sabha election-ni bon·kamgipa bakko May-ni 7 tariko ong·atengani gimin West Garo Hills a·jao May 5 tarik attam 4:00 bajionin a·bachenge, May-ni 7 tarikona kingking ‘Dry Day’ dake West Garo Hills a·jani Deputy Commissioner Jagdish Chelani parakataha.
West Garo Hills a·ja gimikon ‘Dry Day’ dake parakmanahani gimin ia somoirango chu dokkanrangko, canteen-rangko, noko song·e palgipa churangko aro bonded warehouse-rangkoba chipe donchina Deputy Commissioner u·iataha.
Assam-o Lok Sabha election-ko tom·tome ong·atna man·na gita ia niamko ra·gatangaha ineba West Garo Hills-ni Deputy Commissioner u·iataha.
