SHILLONG: Da·al Robibar saloni kamoni neng·taknasienggipa DGP L R Bishnoi, Chief Minister Conrad Sangma-ko Meghalaya police-ko bilake dilgipa ong·a ine de·mittelaha.
L R Bishnoi, social media-o farewell-ni kattarangko seataha. “Bang·gija salrangni ja·man anga angni janggi tangani mongsonggipa chapter ba bakko watatgnok, jean bilongen ra·biani gnanggipa sal somoirang ong·achim ine aganataha.
DGP, CM Conrad-ko Meghalaya a·dokko drug-free ba drug donggijagipa ong·atna kimkim ong·e kam ka·dilaniko de·mittelataha.
“An·chingni a·dok-chigako chelchak naljoke rakkina re·mikkanganio an·ching bilongen mikkangona sokbaaha. Kamni somoio adita ra·bianriangko man·genchimoba Meghalaya a·dokni manderang bilongen dakchakgipa ong·ani gimin kamrang altuaha.”
Manderangni nambatgipa songsalko rikna jotton ka·aniko nike bilongen kusi ong·bea. Ia kattarangko agane DGP, police force, kam ka·rimska, constabulary aro nokdangni manderang pilakkon mittelataha.
Niatgenchimode uni retirement ba kamoni neng·takna adita salrang skangsan gitcham Assistant Inspector General (AIG) Meghalaya Police GK Iangrai, DGP-ni kosako gari registration-ni number plate-ko jakkalsreta ine matnangaha.
Indake FIR ka·ani adita konta somoini gisepon Shillong police-ba DGP-ni kosako case segataha.
Meghalaya, ia changde me·chik police dilgipako man·skagnok. Bilsi 1992-batch IPS officer Idashisha Nongrang-ko gital DGP songaha, indake Meghalaya ian skanggipa changna me·chik police dilgipako man·aha.
