TURA: Tura a·brini bisikrangko aro a·kingrangko ari salna gita Robibar salo, Tura-ni MDC Bernard N Marak, GHADC-ni official-rang, Forest (Territorial)-ni official-rang baksana Danakre a·king, Megonggre a·king aro Boldorenggre a·kingni Nokmarang baksa biaprangko nieaha.
Uamang, Danakgre, Megonggre aro chibisik jolrangni simao ga·akgipa Gandrak chiringni bisikko nieaha.
Chibisik jolrango donggipa buring bolgrimrango a·ba o·e cha·ahani a·selsa Gandrak chiring tipangaha ine talataniko on·angengon, “Meghalaya a·dokko man·na skang ia chibisik jolrangko GHADC-sa nirokachim indiba Meghalaya a·dokko man·ani ja·man ia chibisik jolrangko a·dok sorkarini Forest department-sa jako ra·skaaha. GHADC-ni session-o ia chibisik jolrangko a·dok sorkarina pakwatani bidingo sandion mesokna man·jaha,” ine Tura-ni MDC parakataha.
A·king Nokmarango aro GHADC-o permission ra·chenggija a·dokni Forest department, ia a·kingrango krongrangko songaha ineba Marak parakataha.
“Tura-ni chibisik jolrangko British-rangni somoio aro Assam Forest Regulation Act-ni somoioba ra·a dongjachim. Jakgitelaniko man·ani ja·man Constitution-ni Sixth Schedule-o pangchakesa Garo Hills-ko Scheduled Area ine parakaha aro pilak department-rangkon Assam sorkari, GHADC-na pakwataha. GHADC-ko songaoni bilsi 20 ja·mansa Meghalaya a·dokko man·aha indiba a·dok sorkari niamrangko pe·e GHADC bang·bata department-rangkon jako ra·skaaha. Uni gimin chibisik jolrang aro bang·bata department-rangan a·dok ning·o ong·ja indiba GHADC-ni ning·osa ga·aka. Ia department-rangko officially-de a·dok sorkarina pakwate on·a dongjachim,” ine Marak parakataha.
Batanggimin bilsi 50-ni gisepo bol wa·a den·anirangko champenganirang dongjahani a·selsa chiring chibisikrang tiptokaha ineba Tura-ni MDC parakataha.
“Uni gimin ia chibisikrangko chel·chakna gita an·tangni daitoan ine chanchie GHADC jako ra·na nanga. Garo Hills-de Sixth Schedule a·jao ga·akgipa biapsa ong·a aro iako a·dok sorkari gualna nangja,” ine Tura-ni MDC parakataha.
Uamang, Danakgre, Megonggre aro chibisik jolrangni simao ga·akgipa Gandrak chiringni bisikko nieaha.
Chibisik jolrango donggipa buring bolgrimrango a·ba o·e cha·ahani a·selsa Gandrak chiring tipangaha ine talataniko on·angengon, “Meghalaya a·dokko man·na skang ia chibisik jolrangko GHADC-sa nirokachim indiba Meghalaya a·dokko man·ani ja·man ia chibisik jolrangko a·dok sorkarini Forest department-sa jako ra·skaaha. GHADC-ni session-o ia chibisik jolrangko a·dok sorkarina pakwatani bidingo sandion mesokna man·jaha,” ine Tura-ni MDC parakataha.
A·king Nokmarango aro GHADC-o permission ra·chenggija a·dokni Forest department, ia a·kingrango krongrangko songaha ineba Marak parakataha.
“Tura-ni chibisik jolrangko British-rangni somoio aro Assam Forest Regulation Act-ni somoioba ra·a dongjachim. Jakgitelaniko man·ani ja·man Constitution-ni Sixth Schedule-o pangchakesa Garo Hills-ko Scheduled Area ine parakaha aro pilak department-rangkon Assam sorkari, GHADC-na pakwataha. GHADC-ko songaoni bilsi 20 ja·mansa Meghalaya a·dokko man·aha indiba a·dok sorkari niamrangko pe·e GHADC bang·bata department-rangkon jako ra·skaaha. Uni gimin chibisik jolrang aro bang·bata department-rangan a·dok ning·o ong·ja indiba GHADC-ni ning·osa ga·aka. Ia department-rangko officially-de a·dok sorkarina pakwate on·a dongjachim,” ine Marak parakataha.
Batanggimin bilsi 50-ni gisepo bol wa·a den·anirangko champenganirang dongjahani a·selsa chiring chibisikrang tiptokaha ineba Tura-ni MDC parakataha.
“Uni gimin ia chibisikrangko chel·chakna gita an·tangni daitoan ine chanchie GHADC jako ra·na nanga. Garo Hills-de Sixth Schedule a·jao ga·akgipa biapsa ong·a aro iako a·dok sorkari gualna nangja,” ine Tura-ni MDC parakataha.
