AMPATI: ‘Remal’ balminduri balengani gimin South West Garo Hills a·janaba Indian Meteorlogical Department-ni gita mikrakatanirangko on·manahani gimin South West Garo Hills a·jao, kamrangko ka·na gita District Administration, dingtangmancha Incident Response Team (IRT)-ko songe donangaha.
Una agreba, balminduri balani somoirango manderangna nanga gita dakchakanirangko on·na konta 24 kamko ka·nagipa District Control Room-koba a·jao kulie on·angaha. Balminduri balani somoio dakchakanirangko nangenggipa manderang, konta 24-na je somoioba ia District Control Room-ona ka·e u·iatna man·gen aro ia District Control Room-ni nombor-rangara, Officer-in-Charge Debojit Koch (9366026244), Isaac A Marak (7005483345), Benu Miah (9774580662), Malseng Marak (8787338472, Edward Marak (7630898368) aro Rambo N Sangma (8974627076) ong·a.
