TURA: West Garo Hills a·jani Babadam jolo rikenggipa Tribal Research Centre-ko matchotgija galchipe donenga ine Niksamso Garo Community Organisation (NGCO) matnangenba, ia centre-ko matchotgija galchipe donengani gimin sorkariko sing·doataha.
“Babadam songo A·chikrangni daka rikani kamrangko am·sandie rakkina gita sorkarini on·gipa project-ko indita bilsirangna matchotgija galchipe donako nike chinga kusi ong·ja aro iako jako ra·e rikenggipa company-ni kosako raken jegalenga. Ia kamko matchotatna nangnikjaesa kamrangko ka·gija galchipe donengama ma ia project-ni tangka paisarangko jakkalsretesa kamrangko bon·chipatengama?” ine NGCO sing·doataha.
NGCO-ni parakatani gitade, ia Tribal Research Centre-ko rikna gita sorkari, gong kror 42 tangkarangko chame on·ahani gimin kamrangko matchotna nangahachim indiba da·alonan ia centre-ko matchote rikgija galchipe donakosa nikna man·engachim.
“Kamo gisik nanggijagipa company aro contractor-rangna Garo Hills-ni dingtang dingtang biaprango kam on·aniko chinga nangnikja aro a·dok sorkariba iarangni bidingo nirok sandianirangko dakna nangchongmota. Jolo songdongenggipa manderangni badi ka·anirangko man·soe chinga ia biapona re·ange nion, kamrang matchotgija galchipe donakosa chinga nikna man·aha,” ine NGCO-ni dilgiparang parakataha.
Iandakgipa project-rangko matchotgija donchipenggipa company-rangko black list ka·china aro ia kamrangko ta·rake ka·enba matchotatchina gitaba NGCO, a·dok sorkariko didiataha.
GH-o rikgipa Tribal Research Centre-ko matchotkujaenganina NGCO matnanga
Date:
Share post:
