SHILLONG: Class 11-ni Arts chatro chatrirangna syllabus-ko on·anio ja·manchakengani gimin songbadrango seatani ja·man ia bilsini Class 11-o poraienggipa chatro chatrirangna NCERT-ni textbook-rangko ra·chakmanaha ine Budbar salo, a·dokni Education Minister Rakkam A Sangma parakataha.
Class 11 aro 12 Arts stream-ni chatro chatrirangna syllabus-ko June-ni 10 tariko on·atani ja·man Education Minister, iako jinmana parakataha.
Iani bidingo talataniko on·angengon, “Ia bilsini Class 11-na chinga NCERT textbook-rang baksa on·na gita ra·chakaha. Re·anggipa June-ni 10 tarikon chinga Class 11 aro 12 Arts stream-na syllabus-ko on·manaha,” ine Education Minister parakataha.
Ia kamrangko da·oba ka·engkua ine janapatengon, ki·taprangko on·anio ta·rakbatatna nanga gita ja·kurangko de·anggen ine Sangma, ku·rachakaniko on·angaha.
“File-ko da·o tariengaha aro chinga uamang baksa tom·e chanchirimaha,” ine Minister agankuaha.
Gital academic session-na syllabus aro textbook-rangko man·ani bidingo chatro chatrirang aro ma·a paarang jajrengtokengani gimin Education Minister ku·rachakaniko on·ataha.
