Williamnagar: Garo Hills youth Solidatary (GHYS)-ni president I, Endick Marak, Era Aning JJM Contractor aro Departmental Officer-rangko JJM dasboard-o nokdang te-133 gimiko chi tap-rangko sale on·a matchotako mesokaha aro ma·mong sorkarionaba apsan report watatako ma·mongni a·kanganina aro songni manderangko cha·boke cha·anina matnangataha.
Dasboard-o serikaniko mesokani gitade, project-na kam ka·kuenga indiba dam skul compound-rangko man·chape nokdang te-133 gimiko chi tap-rangko sale on·aha. Indiba a·solmanchade chi tap-ko sale on·a nokdang te30-na bate komia aro skul nok te·samangmango chib tap ge·sako buringo chiko jokata gri sale on·aha. Ia nokrango uamangni nokmikkangona chi pipeline-ranggrian sale on·aha. Chi tap sale on·a grian bang·bata nokdangrangoniko contractor pipe-rangko ra·angpilaha.
Era Aning JJM project-ko damgni biaprang Era Aning aro Era Anang-na on·aha. Era Anang song South Garo Hills-o ga·akgipa ong·ja ian name rongtalgijagipa mong·aha jeon Era Anang songko PHE department ra·aha.
Era Aning-ni ning·o damgni songdonggiparang donga jekon kosako janapaha indiba apsan chi tank-oni jean Era Aning-ni ge·samangmangoniko Agreng gittimna jekon project an·tangan dingtang songdonggipa ong·e dingtang na·gil aro chi tank-ko rikna nangachim.
Project-ni matchotaniko chinga sengenga, ma·mong sorkarini gita JJM-ko chu·sokatna on·gimin guideline-rangko on·a chu·sokja ong·ode, chingo gipin chol dongjajok indiba department-ni gita contractor-chi JJM-ko chu·sokatna man·jani kosako niamni kachario ja·ku de·angna nangba donga.
Era Aning JJM Contractor aro Departmental Officer-rangko GHYS matnanga
Date:
Share post:
