Shillong: Mija Sukrobar salo Hynniewtrep National Youth Federation (HNYF)-ni memborrang Umtyngnar-o Sohra aro Pynursla-ona Assam-oni re·bagipa tourist taxi ba gari salgiparangko champengrike watatpilaha. Indake ia ong·a obostako Ri War Mihngi joloni tourism stakeholder-rang aro manderang jegaltokaha.
Ri War Mihngi joloni local guide, guest house-ni nokgiparang, homestay aro restaurant chalaigiparang, Assam-oni re·bagipa taxi salgiparangko champengani gimin suk ong·gijako parakataha. ‘Joloni bang·a nokdangrang tourism-o pangchake janggi tangenga. Gipin biaprangoni Meghayala-ona biap nina re·bagiparangni a·sel bang·a nokdangrang janggi tangna cholrangko man·enga aro a·dokni economy-naba on·gilenga.
“Tourist-rang sokbaengani gimin joloni manderang jemangan business ka·tokenga, uamang cholienga, ine stakeholder-rang aganaha.”
Gipin biaponi re·bagipa garirangko champenganiara uamangni chelchak-naljokaniko kenchakanio ong·atan baksa Khasi jat gimikna ong·sia bimingko ra·baa.
Unbaksana bang·a guest ba sokbagiparangba ua jolo obosta ong·anina suk ong·gijako parakaha.
“Tourism-ni bidingo chinga agangrikna nichake donga ine Ri War Mihngi-ni tourism sector aganaha.
Iandakgipa obosta ong·anirangara changsanasan tourism-o nangchakaigen ine ong·ja, indiba mikkanchinaba kenaniko ra·baa, jemangan tourism-o pangchake janggi tangengachim uamangna neng·nikaniko ra·baa.
Indake Ri War Mihgni-ni manderang a·dok sorkariko mongsongbate jolni MLA aro Deputy Chief Minister Prestone Tynsong-ko ia mamlako nirokatchina mol·molaha.
Assam-oni tourist garirangko champengako Ri War Mihngi-ni manderang jegaltoka
Date:
Share post:
