SHILLONG: Re·anggipa Robibar pringo, Ri Bhoi a·jani Umran Dairy-o donggipa petrol pump-oniko ma·sina man·gijagipa mande sakbri, tangka paisarangko ra·seke kataha ine kobor on·aha.
Koborko on·ani gitade, Robibar pringni 5:00 bajimango, ma·sina man·gijagipa mande sakbri, ia petrol pump-ona re·angenba, petrol pump-o kam ka·enggipa manderangko chadrapeaha aro petrol pump-ni tangka paisarangko ra·e katangaha.
Iani bidingo petrol pump-ni manager, police-rangna FIR ka·doangaha aro FIR-o parakani gitade, Robibar pringo ua petrol pump-ko kulina ine kamrangko a·bachengengmiting somoio rang·gitik mande sakbri, petrol pump-ona re·angenba, petrol pump-ni manager aro gipin kam ka·giparangko uamangni ja·a jakrango budurangchi kae, petrol pump-ni tangkarangko ra·e katangaha.
Ia petrol pump-ni manager, ia manderangko warachakna jotton ka·on, uko matsramgipa bostuchi chadrapaha aro uandaken uni jakrango ua mata bu·anirangko man·aha ineba ua FIR-o parakaha.
Ia petrol pump-oniko gong lak 4-na baten tangkarangko ra·seke ra·angaha ineba petrol pump-ni manager, FIR-o janapaha.
Indake ong·engon, ra·seke ra·gipa manderangko rim·na gita police-rang, petrol pump-o dongipa CCTV camera-rangoniko sakkirangko nienga ine kobor on·aha.
 |
ReplyForward
|
