Digital healthcare-ko on·achi, sanna bannanio altuabatatgen: Dr VK Paul

New Delhi: (IANS) Mongsonggipa aro gamc-hatgipa healthcare system-ko on·achi pilak gadangni manderangko, diltugipa songadam nokadamrango dongenggipa dal·a chona, budepa buchuma aro gimik-nan altuae sanna banna-niko on·a gita man·gen ine Dr VK Paul, Member (Health), NITI Aayog-oni Sukrobar salo parakataha.
India-ni Health Sector-o namdapatanirangko nikrorona gita man·engaha ine tom·bimonge chan-chirimani somoio Dr Paul parakataha.
“Digital-ni gita kam ka·anirango namdapatna dingtang dingtang technology-rang jekai robot aro AI-rangko bang·bate jakkal-china gita aro u·ikugija-giparang skidape on·china gitaba,” jinma tom·bimong-ani somoio parakangaha.
“Cyber-rang gita togie cha·bokgiparangoni nal-joke dongna man·a gitaba aro beneficiary-rangko naljokatna gita digital solution-rangko ba digital-ni gita nangchongmotgipa dakchakanirango on·a man·genchimode nambat-gipa nang·gen,” ineba aganaha.
Manderangni janggi tanganio bang·a neng·-nikanirangko Digital solution-rangko jakkale olgrok-atna gitaba nangchong-motenga ine Dr Paul aganaha.
Health Secretary Apurva Chandra-ba indine aganaha a·songni song-adam aro jillarango dong-enggipa mande sakantinan nambata gadango sanna bannaniko on·a aro sanna bannanio altuagipa chol-rangko on·a man·a gitasan nisanko done national digital mission kamrangko ka·enga.
Uni aganprakangani somoio a·songo Covid 19 sabisi giproroani somoio CoWIN aro Aarogya Setu app-rangko jakkalachi a·songni mande sak Kror 220-na baten bang·a dak-chakanirangko on·angaha.
“Uandaken, sorkarini gita gamchatgipa aro mongsonggipa Ayushman Bharat Digital Mission scheme -koba a·songni manderangna nambata gadango sanna bannaniko on·a man·a gitaan tariaha,” ine Chandra aganaha.
Iarangna agreba U-Win portal-koba a·bachengate an·o gnanggipa kror 3 ma·giparangna tikka on·ani-rangko, sam on·anirangko aro atchidaldal bakgitchak sak kror 2.7 bi·sarangko tiktak ong·e digital-ni gita segate dona gita a·ba-chengatgen.
National Human Rights Commission (NHRC)-ni Secretary Genral Bharat Lal indine aganaha, an·seng baljokanian mandena gamchatbatgipa gam ong·ani gimin nambatgipa sanna bannaniko on·anian nambatgipa boksis ong·a ineba aganaha.
National Human Rights Commission (NHRC)-ko namdapatanichi manderangna bang·a namgnirangko ra·bagen ine kadongsoenga.