SHILLONG: Drae til·ekako man·gipa South West Garo Hills a·jani me·chik bi·sa sakgniko dakchakna gita Meghalaya a·dokni Governor Chandrashekhar H Vijayashankar ku·rachakaniko on·ataha.
Sonibar salo a·dokni Governor, ia me·chik bi·sa sakgnini nokdangrangko Shillong songjinmani Raj Bhavan-o gronge, uamangna pilak nanga dakchakanirangko on·na ku·rachakangaha.
Ia me·chik bi·sa sakgnini neng·nikan salrango dakchakaniko on·na gita ua ia me·chik sakprakna gong 50,000 ka·e tangkarangkoba on·ataha.
Drae til·eka man·gipa me·chikrangna kakket bichalko on·na gitaba a·dokni Governor, ku·rachakaniko on·ataha.
