TURA: Re·baenggipa November 13 tariko ong·atenggipa Gambegre by-election-o susana gita Bristibar salo, Indian National Congress (INC)-ni candidate Jingjeng M Marak-ba nomination file ka·angaha aro uni nomination file ka·anio, Meghalaya Pradesh Congress Committee (MPCC)-ni working president Deborah C Marak baksana Congress dolni dingtang dingtang dilgiparang aro party worker-rangba dongpaaha.
An·tangni nomination lekkarangko Returning Officer-na on·angani ja·man kobor ra·timgipa manderang baksa agangrikengon, ia by-election-o ua seokako man·genchimode, gitcham MLA Saleng A Sangma-ni matchotanggijagipa kamrangko matchotatna kam ka·gen ine Congress candidate Jingjang Marak ku·rachakaniko on·angaha.
Gambegre constituency-o chu·sokatna nangkuenggipa mongsonggipa kamrangni gimin sing·on, pilakni gitan namdapatna nanganirangde dongenga aro ua ia kamrangko jako ra·e ka·na kang·kare kaenga ine Marak aganaha.
Ia by-election-o NPP-ni candidate-ara, Chief Minister Conrad Sangma-ni jikgipasa ong·engani gimin ua neng·nikanirangko man·genma ine sing·on, NPP-ba an·tangtangni kam donga uaba an·tangni kam donga aro ua ia by-election-o susaanio darangnaba kenna nangani dongjawa ine Marak aganaha.
“Ango maming kenna nangani ba neng·nikanirangko chagrongna nangani dongjawa maina Gambegre-de chingni (Congress) seat-sa ong·a aro chinga ia seat-ko ra·pilaigen,” ine ua aganaha.
Shillong-Nongstoin-Tura ramako tarianio tangkarangko bang·en jakkalsretaha ine matnangenggipani bidingo sing·skaon, ia kamo officer-rang jak dongama MLA-rang jak dongama, inquiry-ona ra·baskalde kakketko ma·sina man·jawa, uni gimin iani bidingo jakgitele inquiry-ko dakchina Congress dabienga ine MPCC-ni working president Deborah C Marak parakatskaaha.
An·tangni nomination lekkarangko Returning Officer-na on·angani ja·man kobor ra·timgipa manderang baksa agangrikengon, ia by-election-o ua seokako man·genchimode, gitcham MLA Saleng A Sangma-ni matchotanggijagipa kamrangko matchotatna kam ka·gen ine Congress candidate Jingjang Marak ku·rachakaniko on·angaha.
Gambegre constituency-o chu·sokatna nangkuenggipa mongsonggipa kamrangni gimin sing·on, pilakni gitan namdapatna nanganirangde dongenga aro ua ia kamrangko jako ra·e ka·na kang·kare kaenga ine Marak aganaha.
Ia by-election-o NPP-ni candidate-ara, Chief Minister Conrad Sangma-ni jikgipasa ong·engani gimin ua neng·nikanirangko man·genma ine sing·on, NPP-ba an·tangtangni kam donga uaba an·tangni kam donga aro ua ia by-election-o susaanio darangnaba kenna nangani dongjawa ine Marak aganaha.
“Ango maming kenna nangani ba neng·nikanirangko chagrongna nangani dongjawa maina Gambegre-de chingni (Congress) seat-sa ong·a aro chinga ia seat-ko ra·pilaigen,” ine ua aganaha.
Shillong-Nongstoin-Tura ramako tarianio tangkarangko bang·en jakkalsretaha ine matnangenggipani bidingo sing·skaon, ia kamo officer-rang jak dongama MLA-rang jak dongama, inquiry-ona ra·baskalde kakketko ma·sina man·jawa, uni gimin iani bidingo jakgitele inquiry-ko dakchina Congress dabienga ine MPCC-ni working president Deborah C Marak parakatskaaha.