Ampati: South West Garo Hills district-ni Legislative Assembly Constituency Draft Photo Electoral Roll-ko South West Garo Hills-ni District Election Officer Hema Nayak, Additional Deputy commissioner Dr W.C.R Marak aro Executive Magistrate C.R.N Sangma- uamangni dongpaanio Ampati, Deputy Commissioner’s chamber-o political party-rangni dilgiparangna pakwatangaha.
Draft Photo Electoral Roll-ko on·ani miksonganiara election-o vote puona kragipa manderangni jakchi maming togia ba cha·boka gri election-ko ong·atna ong·a. Ian political party-rangna election-o kam ka·angna gita tarisona cholko on·anggen.
Electoral Rolls-ko South West Garo Hills, Ampati District Election Officer-ni office, Block Development Officers office aro polling station ge·antini gimik Booth level Officers (BLOs)-ona name dake nina gita watataha.
East Garo Hills-o Election-ni in-charge ADC Dimseritha A Sangma, October 29 tariko East Garo Hills-ni political party-rangna Draft Electoral Rolls-ko pakwatangaha.
NPP, INC, TMC, BJP political party-rangni representative-rang Draft Electoral Rolls-ko ra·chakaha.
ADC, gimik voter-rangkon electoral roll-o maiba tik ong·gijanirang donga ong·ode, uarangni gimin ta·raken election department-na u·aitchina didiataha.
ADC, R Ch Momin, political party-rangna electoral roll-ni hard aro soft copy-rangko pakwate on·angaon draft electoral roll-ni gamchataniko aganaha.
