SHILLONG: Ma·mong sorkari, Tura Medical College-ko rikna on·na nanggnigipa chu·gimik kror 171.10 tangkako Meghalaya sorkarina wataha.
Parliament-o Tura MP Saleng Sangma-ni sing·anina aganchakmitingo State for Health and Family Welfare-ni Minister Anupriya Patel, aganchakaha, je- Ministry, district-o gital medical college-ko rikna central sponsored scheme-ko ra·chakaha.
Project-ni chu·gimik physical progress 73 gapengjok. Iarangni gisepon Tura Medical College-ni gita ge 500 palangni hospital-ko rikanio maming neng·nikani dongjawa ine aganaha.
North Eastern and Special Category States-na medical college-ko rikna ma·mong aro a·dok sorkari 90:10 ration-o tangkako jakkalna tik ka·aha. Gipinrangna 60:40 ration ong·a. Scheme-ni phase 1 ba skanggipa bako Meghalaya West Garo Hills Doldogre-o Tura Medical College-ko rikna bilsi 2017-on ra·chakaha. Ia project-na kror 189-ko donaha, jekon ma·mong aro a·dok sorkari 90:10 ration-o tangkako jakkalgen.
Scheme-ni guidelines ba niam gita, medical college-ko rikanio planning, execution aro commissioning-ni scheme-o pangchake ra·chakaha jekon a·dok sorkari nirokataha. Meghalaya sorkarini u·iatani gita, project-ko matchotna biap, climate-ni a·sel ta·rake matchotna man·jaenga ine Miniter aganaha.
