SHILLONG: Krismas aro porikkani somoirango manderangna maming neng·nikani gri bijoliko on·na gita sorkari ku·rachakaniko on·ataha.
“Da·o dipet chingo bijoli chu·onga gitan donga aro ia Krismasni somoirango bijoliko on·anio maming neng·nikanirang dongjana gita anga adita salrangna skangsan tom·aniko ong·ataha. Da·o dipet chinga bijoli on·anio maming neng·nikani dongjawa ine anga parakna kusi ong·bea. Ia Krismas aro porikkani somoirango, transformer-rang nosto ong·anichi aro ong·telaigipa a·selrangchi bijolirang nosto ong·ana agre chinga bijoliko kimitjawa,” ine a·dokni Power Minister AT Mondal parakataha.
Da·o dipet Power department-o chu·onga gitan bijolirang donga aro nanggitikan somoirangona chimonge dongipa bijoliba donga ineba ua aganaha.
Ia Krismas aro Bilsi Gitalni namgipa skanirangko Meghalaya a·dokni manderangna on·atengon, ia maniani somoirango bijoliko simsake jakkalchina gitaba a·dokni Power Minister mol·molataha.
“Krismas aro Bilsi gitalni salrangko maniengon, bijolirangko simsake jakkalchina anga a·doko songdongenggipa manderangko mol·molna ska maina nangana bate bijoliko jakkalanichi transformer-rang ding·prete bretanirang cholrang donga. Uni gimin iandakgipa obostarangko chagrongna nangjana gita anga a·doko songdongenggipa manderangko simsake bijoliko jakkalchina mol·molenga,” ine Mondal aganaha.
Porikkani somoirango bijoli sianirangchi chatro chatrirang neng·nikanirangko chagrongna nangjana gita sorkari mikrake kamko ka·enga ineba Power Minister parakataha.
“Indiba ong·telaigipa a·selrangchi bijolirang nosto ong·ana agreed chinga da·o dipet maming neng·nikani grian bijoliko on·na ka·dongenga,” ine Mondal aganaha.
