SHILLONG: Meghalaya-oni sakbonga me·chikrangko re·baenggipa January 26 tariko New Delhi Kartavya Path-o ong·atgipa Republic Day Parade 2025-o bak ra·na seoka man·aha.
A·dokoni seoka man·gipa sakbonga me·chikrang Northeast ba salgro -salaram joloni chu·gimik seoka man·giparang sak 35 representative-ni special group-ni bak ong·gen. Uamang Swarnim Bharat-na Northeast-ni on·gilaniko mesokanggen.
Ia bilsini R-day parade-o India-ni dingtang dingtang bakrangoni sak 10,000 special guest-rang donggen. Northeastern contingent-o Assam-oni sak 8, Sikkim-oni sak 22 aro Meghalaya-ni sakbonga donga.
Uandake Meghalaya-oni seoka man·gipa sakbonga representative-rang, jemangkon Ministry of Women and Child Development-ni gita seokaha, uamangara- South Garo Hills-oni Grethilla R Marak, East Jaintia Hills-oni Bibiana Dkhar aro Julida Dkhar, Ri-Bhoi-oni Darihun Pyngrope, East Garo Hills-oniko Wenylia Merceeds D Sangma ong·a.
Republic Day parade-ni special guest-o me·chik entrepreneur, national award chegipa, sorkari scheme-rangni beneficiary-rangba dongpaa. Self-help group (SHGs)-ni memborrangko income generation, ba tangka kamaiani cholrangko bikote on·a, songsalko chelchake rakkia, health, nutrition, rongtal-an·talanio on·gilanina mande ra·na gita okamaha. Jemangan New Delhi-ona changsaba songrea dongkujachim, uamangna cholko on·aha.
Indake R-day-ona okamata man·giparang, parade-o a·songni man·e cha·begipa daka-rika bewalrangko nikangna man·a baksana mingsinggipa biaprang jekai- National War Memorial aro PM Sangrahalay-koba nikgen. Unbaksana sorkarini minister-rang baksa agangrikna cholko man·gen.
