SHILLONG: Ramarango manderangna naljokaniko on·na National Road Safety Week-ko maniani bak gita Shillong-ni Nehru Yuva Kendra (NYK), East Khasi Hills-ni Traffic Police baksa nangrime, antigimikna Road Safety Awareness Campaign-ko a·bachengataha.
Ia campaign-ko Shillong-ni Traffic in-charge K Prasad-ni dilanichi ong·atenga aro Shillong songjinmao manderangna naljokaniko on·na gita gari gorarangko jakkalanio simsake jakkalchina gita manderangna agan-ku·pattianirangkoba on·enga.
Ia campaign-ko ong·atanio, NYK-ni volunteer-rangba traffic police-rangna dakchakanirangko on·enga aro Khyndailad baksana Polo gita dakgipa biaprango manderangna traffic-ni niamrangni gimin segipa lekkarangkoba suale on·enga.
Ia Road Safety Awareness Campaign-ko ong·atani bidingo NYK Shillong-ni deputy director D Rapsang, talataniko on·atengon, ramarango a·sel ong·aniko komiatna aro manderangna naljokaniko on·na miksonganio ia campaign-ko ong·atenga ine parakataha.
Ia campaign-ko January 23 tarikona ong·atenga aro ia campaign-o volunteer-rang bang·bate bakko ra·angkugen ineba Rapsang parakataha.
