SHILLONG: Meghalaya a·dok gimikon namroro-silroroaniko apsan ra·bana a·dok sorkarini ku·rachakaniko mejalo Chief Minister, Conrad K Sangma janaptaiaha.
“Songpanggipa sakantian aro songantian angna namen mongsonggipa ong·a. Shillong, Tura ba Jowai-osan ong·aigija a·dokni kona-noksik ge·antiona cholrangko aro namroro-silroroaniko ra·bana sokatna Chief Minister ong·e ian angni dakgni kam ong·a,” Chief Minsiter, Umpdem, RCUP School-na pangchakaniko songani ja·mano aganaha.
A·dokni Chief Minister skanggipa changna Eastern West Khasi Hills district Umpdem-ona re·angaha aro uni re·angani bite chu·sokgipa ong·a.
Lekka-porani mongsonggipa ong·aniko janape an·chingni songsalni namroro-silroroani ru·uta bilsirangna ong·aniko ra·bana lekka-porani a·bao tangka-paisa botani namen nambatgipa cholrangoni mingsa ong·a. Da·alo pangchakaniko songani a·doko bi·sa sakantini nokona namgipa gadangni lekka-porako ra·bana chingni ku·rachakani mingsa ong·a,” Sangma aganaha.
Nongkseh RCLP School, Shilliang Khri Umtrew Presbyterian Upper Primary School, aro Umpdem RCUP School girls’ hostel, ge·prakna gong lak 5.96 prakko man·chape bang·a skulrangna tangka-paisani gita dakchakaniko Chief Minister parakataha. Minggipin, 1.5 lakh-rangko Umpdem RCUP School-na musical instrument-na on·ataha.
Doka-damanina gisik nanggipa joltangni chadamberangko janape, iano changa-sapani gisik ra·na kragipa ong·a aro musical instrument-rang baksa skulko dakchakanina anga namen kusi ong·bea. Ian a·bachengasan ong·aija aro ia skulni dal·bata lekka-pora skie on·ram nokmrong ong·na dal·roroaniko nikna anga skenga,” Sangma aganaha.
A·dokni kona-noksik gimikonan apsan namdapaniko on·na CM ku·rachaka
Date:
Share post:
