TURA: Tura Dobasipara-ni Dobakkol-o gital rikgipa Creative Learning Centre-ko Sombar salo, a·dokni Chief Minister Conrad K Sangma nokdonggae on·angaha aro ia centre-ko nokdonggaanio, dingtang dingtang dilgiparang aro sorkari official-rangba dongpae bak ra·angaha.
Ia Creative Learning Centre-ko rikna gita Chief Minister Special Development Fund (CMSDF)-ni ning·o gong lak 50 tangkarangko chame on·ahachim.
Skie on·ani aro skie ra·ani bewalko nambatatna gita ia Creative Learning Centre-ko Mere Mentor aro Dobakkol Non-Govt LP School, nangrime kuliaha aro ia centre-ko kulianio a·dokni Chief Minister, pilak nanganirangko dakchake on·aha.
Ia centre-o jakni kamrangchi aro kal·anirangchi bi·sarangna skie ra·na gita cholrangko on·gen.
