SHILLONG: Seokako man·gipa Khasi Hills Autonomous District Council (KHADC)-ni gital MDC-rang, da·al Bristibar salni bako, Shillong songjinmani District Council Hall-o ku·mikchetgen.
Iako Budbar salo, District Council Affairs (DCA) Department-ni gita u·iataha.
DCA department-ni u·iatani gitade, Assam & Meghalaya Autonomous Districts (Constitution of District Councils) Rules, 1951-ni Rule 24-o pangchake, gital membor-rangni ku·mikchetaniko East Khasi Hills a·jani Deputy Commissioner dilanggen.
Gital MDC-rangni ku·mikchetani ja·man KHADC-ni gital Chairman-ko seokna gita Sukrobar salo election-ko ong·atangskagen aro ia election-ko East Khasi Hills a·jani Deputy Commissioner dilanggen ineba DCA department-oni u·iataha.
Gital Chairman-ko seokani ja·man apsan salon, KHADC-ni gital Chief Executive Membor (CEM)-ko seokna gitaba election-ko ong·atanggen aro ia election-ko KHADC-ni gital Chairman dilangskagen ine u·iataha.
