SHILLONG: Meghalaya a·doko lekka porani gita ja·manchakenganiko a·dok sorkari rachakangenba, re·baenggipa bilsirango lekka porani gadangko namdapatna ku·rachakaniko on·angaha.
“Chinga obostarangko ma·sienga aro sorkari dingtanganiko ra·bana jotton ka·enga,” ine a·dokni Education Minister Rakkam A Sangma, a·doko lekka porako on·anio ja·manchakenga ine adita salrangna skang, Education aro DoNER-ni Union Minister of State Sukanta Majumdar-ni agangipani bidingo sing·anina aganchakaha.
“Neng·nikanirangko chinga ma·sienga aro lekka porako on·anio dingtanganiko ra·bana chinga krenge kamko ka·enga. Re·baenggipa bilsirango an·ching lekka porani a·bao dingtanganiko nikna man·gnok,” ine Sangma aganaha.
“Chinga kamrangko raken ka·enga aro a·dokni pilak kona noksikrangonan sokatna jotton ka·enga. Skigiparang namgipa lekka porako on·na man·na gita chinga skigiparangna training-rangko on·enga,” ineba ua aganaha.
State Education Department-ni gita am·sandianio, Meghalaya a·doko skulrang bang·dugaenga ine nikna man·ahachim.
Education department-ni study report-o parakani gitade, a·doko dam 14,582 skulrang donga aro a·doko mandeni jelbra jelsuani 29,66,889 ong·aniko nigenchimode ian nangana batengachim.
 |
ReplyForward
|
