SHILLONG: Meghalaya a·dokni Chief Minister Conrad K Sangma-ko brigipa changna National People’s Party (NPP)-ni national president dake Sonibar salo, New Delhi-o seokangtaiaha.
Sangma-ko 2025 bilsioni 2028 bilsiona NPP-ni national president dake seokangtaiaha.
NPP-ni organizational election-ko Sonibar salo, New Delhi-ni Constitutional Club of India-o ong·atangaha aro ia election-o Arunachal Pradesh a·dokni Paknga Bage-ko general secretary (Organisation) aro Dr Mehtab Chandee A Sangma-koba national treasurer-na seokangtaiaha.
NPP-ni gitcham general secretary (organization) James K Sangma-ko NPP-ni working president songna gita NPP-ni Meghalaya state president Prestone Tynsong aro Manipur-ni state president Joy Kumar Singh, ku·pattianiko on·angskaaha.
2025-2028 bilsina seoka man·gipa national committee-ni membor-rang bakan parakatgen ine seokako man·piltaiani ja·man NPP-ni national president Conrad K Sangma parakataha.
