SHILLONG: 2023-24 bilsini gisepo Mahatma Gandhi National Rural Employment Guarantee Act (MGNREGA)-ni ning·o gimik ming 14,086 kamrangko a·doko jako ra·aha indiba ia scheme-ni bidingo audit-ko ka·on, hisap rakkianirang tik ong·jaenga aro kamko ka·anio parak ong·ani dongjaenga ine nikna man·aha.
2023-24 bilsini gisepo MGNREGA-ni kamko ka·anio West Jaintia Hills a·jao ming 3129 ong·e bang·batgipa ong·aha aro uni ja·man West Garo Hills a·jao ming 2,220 ong·e gnigipa ong·skaaha. Indake ong·genchimoba ia scheme-ko ka·anio Eastern West Khasi Hills-ode ming 361 aro South West Khasi Hills-oba ming 614-san ong·e namen komiskaaha ine nikna man·aha.
MGNREGA-ni kamrangko me·a aro me·chikni gita ka·aniko niatskagenchimode me·chikrang 51 percent aro me·asarang 49 percent ong·e bang·e dingtanggrikaniko nikna man·skajaha.
Meghalaya a·dok gimiko MGNREGA-ni kamrangko audit ka·on bang·a biaprangon hisaprangko name rakkija ine niknaba man·aha. MGNREGA-ni kamrangko ka·anio tangka paisa aro kam ka·giparangko see rakkianirang donggenchimoba, kam matchotani report, measurement ki·tap aro uandakgipa lekkarangde matchotgija dona ba gimaaha ine audit ka·anio nikna man·aha.
MGNREGA-ni ning·o donggipa Village Employment Council (VEC)-rangko niatskagenchimode, West Garo Hills a·jao dol 623 VEC-rang donge bang·batgipa ong·enga, indiba Eastern West Khasi Hills-ode dolgittamsan dongskaaia ine nikna man·a.
MGNREGA-ara, Meghalaya a·doko songdongenggipa hajalni hajal manderangna janggi tangani cholrangko on·ani gita ong·engani gimin kamrangko nambate nirok sandinaba nangskaenga.
 |
ReplyForward
|
