TURA: Kamgri ong·e dongenggipa chadamberangna janggi tangani cholrangko on·na gita Mongolbar saloni a·bachenge, Electrical Applications aro Electronic Application-ni bidingo sal 15-na Executive Training Program –ko Tura-ni Industrial Training Institute-o ong·atenga.
Ia Training program-ko Raising & Accelerating MSME Performance (RAMP) Scheme-ni ning·o Tura-ni District Commerce & Industries Centre (DCIC)-ni dakchakanichi ong·atenga.
Ia training program-ko a·bachengatanio, Electricity-ni Deputy Inspector Milton R Marak, mongsonggipa sokgipa ong·e jinmana aganprakangengon, bijoliara mandeni salanti janggi tanganio mongsonggipa bak gita ong·a aro ia sal somoirango pilak kamrangkon bijolichisa ka·engani gimin bijoli gride mandeni janggi tanganio dongtoaniko man·jaha ine parakangaha.
DCIC-ni gita on·enggipa training ba skiani bidingo janapangengon, bijolini kamrangko skie ra·aniara circuit diagram ba maikoba chataniko skie ra·anisan ong·aija indiba bijolini dingtang dingtang bosturangko jakkalanio naljokani cholrangko skie ra·anisa mongsonggipa ong·a ine Marak parakataha.
Sorkarini on·enggipa iandakgipa cholrangko ra·e mikkangchi an·tangtangna janggi tangani cholrangko ra·china gitaba ua, ia program-o bak ra·enggiparangko didiangaha.
Ia tom·anio Tura ITI-ni Principal Crening S Sangma-ba jinmana aganprakangengon, ia training program-o agan-skie on·na baksana practical class-rangkoba ra·gen aro ian kamgri ong·e dongenggipa chadamberangna janggi tangani cholrangko on·na miksonge ong·atenggipa program ong·a ine talataniko on·angaha.
Ia training program-ko a·bachengatanio, Tura DCIC-ni Functional Manager Biondie D Shira-ba dongpae jinmana aganprakengon, ia training program-o sak 25 candidate-rangko Electrical Application-na aro sak 25 candidate-rangko Electronic Application-na seokaha aro ia training program-ko maming tangka paisa gri indinsa ong·atenga ine parakataha.
Ia program-ko ong·atanio dongpae bak ra·anggipa gipin manderangara, Tura DCIC-ni General Manager Don Felicent R Marak aro gipinrang ong·a.
Ia Training program-ko Raising & Accelerating MSME Performance (RAMP) Scheme-ni ning·o Tura-ni District Commerce & Industries Centre (DCIC)-ni dakchakanichi ong·atenga.
Ia training program-ko a·bachengatanio, Electricity-ni Deputy Inspector Milton R Marak, mongsonggipa sokgipa ong·e jinmana aganprakangengon, bijoliara mandeni salanti janggi tanganio mongsonggipa bak gita ong·a aro ia sal somoirango pilak kamrangkon bijolichisa ka·engani gimin bijoli gride mandeni janggi tanganio dongtoaniko man·jaha ine parakangaha.
DCIC-ni gita on·enggipa training ba skiani bidingo janapangengon, bijolini kamrangko skie ra·aniara circuit diagram ba maikoba chataniko skie ra·anisan ong·aija indiba bijolini dingtang dingtang bosturangko jakkalanio naljokani cholrangko skie ra·anisa mongsonggipa ong·a ine Marak parakataha.
Sorkarini on·enggipa iandakgipa cholrangko ra·e mikkangchi an·tangtangna janggi tangani cholrangko ra·china gitaba ua, ia program-o bak ra·enggiparangko didiangaha.
Ia tom·anio Tura ITI-ni Principal Crening S Sangma-ba jinmana aganprakangengon, ia training program-o agan-skie on·na baksana practical class-rangkoba ra·gen aro ian kamgri ong·e dongenggipa chadamberangna janggi tangani cholrangko on·na miksonge ong·atenggipa program ong·a ine talataniko on·angaha.
Ia training program-ko a·bachengatanio, Tura DCIC-ni Functional Manager Biondie D Shira-ba dongpae jinmana aganprakengon, ia training program-o sak 25 candidate-rangko Electrical Application-na aro sak 25 candidate-rangko Electronic Application-na seokaha aro ia training program-ko maming tangka paisa gri indinsa ong·atenga ine parakataha.
Ia program-ko ong·atanio dongpae bak ra·anggipa gipin manderangara, Tura DCIC-ni General Manager Don Felicent R Marak aro gipinrang ong·a.
