SHILLONG: A·doko lekka-poraiani a·bako tang·doatna nangenga aro aro a·bachengatgimin CM impact-ko bon·atna nanga ine Voice of the People Party (VPP) aganaha.
“Chatro-chatrirangni matric pass ka·anina chinga kusi ong·chaka indiba chingni chanchiataniara, uamangna lekka-bidako on·enganiara baditana gamchataniko on·enga, uasa. Uamangna badita quality ba gamchatgipa aro chu·onga gita lekka bidako on·enga” ine meja Sonibaro MBoSE-ni ma·ambio gisik ra·na kragipa result-ko parakatani bidingo agananio, VPP-ni ku·wattimgipa Batskhem Myrboh Robibaro aganaha.
Myrboh, jean an·tangba saksa skie on·gipa on·achim, ‘‘ia chango chatro-chatrirangni nambate bang·bate pass ka·aniara uamangna nambata lekka bidako on·ani bitema, indake ong·a ong·ode an·ching a·dok mikkangchi teng·sugipa ong·gen indiba ong·ja ong·ode an·chingni dedrangko kal·ake roa gita ong·gen” ine Myrboh aganaha.
A·dokni lekka bidako nambatatani bidingo aganengon, “MTab sualanirangko dontongna nanga maina ian darangnaba maming namgniko ra·baja, manderangni tangkako rusie gala gitasan ong·a, bang·a skulrangkon namdapatna nanganirang dongenga” ineba VPP dilgipa aganaha.
Ua indakeba ku·pattianiko on·aha je, a·dokni private school teacher-rangni serivice-ko, Meghalaya School Education Act, 1981-o pangchake ong·atna nanga aro uamangna kraa gita dormahako on·na nanga aro EPF-ko ra·gatna nanga”.
Sorkarini school aro college-rangko gun gnanggipa ong·atna nanga aro uamangni sorkarini college-rangko jakgitele chalaina on·na nanga ineba ua aganaha.
He also suggested that grant in aid to be de-politicised, teachers at the higher education level should be subjected to competition besides cooperation,
Bon·kame, a·songni gipin board-rang gita dake MBOSE porikkakoba gital bimango ong·atna nanga ineba ua ku·pattiaha.
Skia-porako namdapatna aro chatro-chatrirangni porikka pass ka·anirangko tang·dobatatna gita miksonge Sorkari ia CM IMPACT, – “Chief Minister’s Initiative to Maximize Pass Achievement and Classroom Triumph”-ko a·bachengataha.
Dakchakaniko nanggipa chatro-chatrirangna CM IMPACT, guidebook-rangko aro gipin cholrangko on·e dakchakaniko on·a jedake “Diet Book” dakgipako.
