TURA: Garo Hills-o lekka porako namdapatna gita re·anggipa April 11 aro 12 tarikrango, State Education Commission-ni official-rang, Garo Hills-ona re·bae, dingtang dingtang skulrangko niangaha.
State Education Commission-ni Chairperson Prof SM Sungoh, Commission-ni Adviser Dr David R Syiemlieh, Joint Secretary R Ryngksai aro dingtang dingtang official-rang, Dalu Government Higher Secondary School, Dalu Girls Secondary School, Dalu-ni Phukan Memorial College, Selsella College, Selsella RMSA, Selsella KGBV, Bhaitbari-ni Kazi Zaman College aro Phulbari-ni JHHSS-ko niangaha.
Ia skulrangko re·e nianganio State Education Commission-ni official-rang, skulni principal-rang aro chatro chatrirang baksaba golpogrike, uamangni neng·nikanirangko sing·sandie ra·angaha.
