SHILLONG: Meghalaya-ni gimik district-rangon Sonibar salo National Lok Adalat-ko ong·atangao chu·gimik kror 1.21-ni ming 140 case ba mamlarangko bon·ataha.
Ming 553 case-rangoni ming 270, pre-litigation stage-on ong·a, ming 283 case-rang dingtang dingtang court-rango matchotgija dongenga.
Meghalaya State Legal Services Authority (MSLSA), Meghalaya High Court-ni Chief Justice, Justice IP Mukherji aro Justice HS Thangkhiew- uamangni dilanio a·doni gimik district-rangon National Lok Adalat-ko ong·ataha.
Indake National Lok Adalat-ni koborko MSLSA-ni membor secretary Kharumnuid, u·iataha.
