SHILLONG: Meghalaya a·doko Jal Jeevan Mission (JJM)-ni kamrangko nina gita bakan ma·mong sorkarini dolsa official-rang re·bana sienga.
A·doko JJM-ni kamrang chu·sokgipa ong·enga ine a·dok sorkari a·kangengoba, a·dokni dingtang dingtang biaprango, mongsongbate Garo Hills-ni bang·a songrangon JJM-ni kamrangko matchotja aro chirangko man·tokjaenga ine badi ka·anirangko nikna man·engani gimin ma·mong sorkarini official-rangko a·dokona watataniara namen kraani ong·enga.
Meghalaya a·dokna agreba ma·mong sorkarini dolrang, Madhya Pradesh, Rajasthan, Karnataka, Uttar Pradesh, Odisha, Gujarat, Tamil Nadu, West Bengal, Andhra Pradesh, Jharkhand, Punjab, Sikkim, Chhattisgarh aro Goa a·dokrangonaba re·ange JJM-ni kamrangko nianggen.
Meghalata a·dokni bang·a biaprangon Jal Jeevan Mission (JJM)-ni kamrangko name chu·sokatja ine matnanganirangko nikna man·engani gimin iani bidingo Central Bureau of Investigation (CBI)-chi sandirokatchina a·dokni Bharatiya Janata Party (BJP) dabiengachim.
A·doko JJM-ni kamrangko name chu·sokatjaenga ine a·dok sorkariko matnangatengon, ia scheme-ni bidingo a·dok sorkari, tol·gipa report-rangkosa tarie ma·mong sorkarina on·atenga ine a·dokni BJP matnangatahachim.
