Songjinmarangko namroroatna ta·rakataniko bariatna India ku·cholsan ong·na nanga: PM Modi

New Delhi: (IANS) Sonibar salo NITI Aayog-ni 10-gipa Governing Council tom·aniko Prime Minister Narendra Modi-chi tom·dilaniko a·bachengataha. Mikkangchini songjinmarangko namroroatna India ku·cholsan ong·e kamko ka·na nangchongmota, ineSonibar salo 10-gipa Governing Council Meeting of NITI Aayog-ko oprakani somoio Prime Minister Narendra Modi aganchengaha.
Ma·mong aro a·dok gimikan ku·cholsan ong·na aro namroroanina tarkataniko bariatna ine Prime Minister aganaha.
“India dontonggija songjinmarang ong·engaha. Mikkangchini ong·na sienggipa songjinmarangna an·ching ku·cholsan ong·e kam ka·na nanga. An·chingni songjinmarangni namroroanina dal·roroani, innovation aro sustainability kol ong·na nanga,” ine PM Modi tom·anio aganaha.
“Namroro silroroanina ta·rakataniko an·ching bariatna. Ma·mong aro a·dok gimikan ku·cholsan ong·ode aro Team India dake kam ka·a ong·ode nisanona sokna am·gijanian dongjawa,” ine ua agandapangaha.
A·songo tourism-ko bilakdapatna on·gilangchina a·dok gimikon Prime Minister okamaha.
“Global standard-rang baksa a·dok ge·prako komibeoba ge·sa tourist biap-ko a·dokrang tarina nanga aro pilak cholrang aro rika cho·anirangko on·anganichi ong·katatna. A·dok damsa Global Destination damsa. Ian tourist biaprang dake songsul songjinmarangko namroroatna dilanggen,” ine PM Modi aganaha.
Kror dam 140 songjinmarangko namroroagipa ong·atna didigipa dake okamangaha, a·dok ge·antian Viksit ong·na nanga unosa a·song Viksit ong·gem,” ine PM aganaha.
Governing Council tom·ani pangchakaniara ‘Viksit Rajya for Viksit Bharat 2047’ ine donaha.
Niti Aayog-ni body apex-o a·dok gimikni chief minister-rang, Union Territory-rangni lieutenant governor-rang aro dingtang dingtang Union Minister-rangko chanchapataha. Prime Minister Narendra Modi, Niti Aayog-ni chairman ong·a.
Operation Sindoor-ni ja·man Union Territory-rangni Lieutenant governor-rang aro a·dok gimikni chief minister-rang baksa Prime Minister-ni ian skanggipa dal·begipa tom·bimongani ong·enga.
Chu·gimik council tom·aniko bilsiantion ong·atenga aro batanggimin bilsio July 27 tariko ong·ataha. Skanggipa NITI Aayog tom·aniko February 8 2015 bilsio ong·ataha.