TURA: Selsella Damalgre-o 33 kV-oni 11 KV Control Room (Sub-Station)-ko rikanirang matchotahaoba ia sub-station-ko da·onan chalaina a·bachengku-jaenga ine Selsella jolo donggipa dingtang ding-tang dolrang, chong·motan GSU, FKJGP, ADE, ASWA, NGCO, ANYO, GSMC aro ACHIK dolrangni nangrime bikotgipa All Selsella NGOs Alliance (ASNA) parak-atenba, ia sub-station-ko jolo songdongenggipa manderangni namgnina ta·raken a·bachengate on·-china sorkariko didiataha.
“Selsella Distribution Sub-Division-ko 2019 bilsini February 21 tariko, a·dokni Chief Minister Conrad K Sangma, Selsella-ni Multi Facility Centre-o kulie on·angaha aro iandake Selsella jolrango bijoli on·aniko nambatatna gita ja·kurangko de·ahani gimin chinga sorkariko aro MePDCL-koba mittelna ska. Selsella Damalgre-o rikgipa 33 kV to 11 KV control room (sub-station)-koba matchotaha indiba ia sub-station-ko chalaikujaengani gimin chinga ia sub-station-ko chalaina a·bachengatchina na·simangko mol·molenga,” ine ASNA parakataha.
Selsella Damalgre-o rikgipa 33 kV to 11 KV control room (sub-station)-ko chalaina a·bachengatahaode ian Selsella jolrango bijoliko nambate on·na man·gnok, chel·ao donggipa substation-rango pangchakna nangani dongjawaha, joltangon bijoliko name chalaina man·e voltage-koba nambate on·na man·gnok aro ian sorkari office-rangna, skul-college-rangna, health centre-rangna aro joltango donggipa karkanarangna namgni ong·gnok ineba ASNA parakataha.
Selsella Damalgre sub-station-ko chalaina a·bachengatchina NGO-rang didia
Date:
Share post:
