TURA: Butbar salni bako, Achik Councious Holisti-cally Integrated Krima baksa Khasi Student’s Union (Shallang Circle), Nongshram Rongbeng (Khasi Hills)-o JJM Scheme-rangko nirokaniko dake iani bidingo che·em che·em am·sandianiko dak-na tik ka·angaha. Indake Nongshram Rongbeng songni manderangni JJM-ni kamrangni bidingo ACHIK dolni dilgiparango badi ka·doanirangko man·e, A·chik Conscious Holistically Integrated Krima Council-ni dilgipa-rang baksana Nongshram ACHIK Regional Unit-ni dilgiparang aro KSU dolni dilgiparang apsan nangrim-enba, songona wenanga-niko dake ua jolo song-dongenggipa manderangni neng·nikanirangko niroka-niko dakna aro jolni mande-rangna namgniko ra·banio meli nangrime ku·cholsan ong·e kam ka·na gita jinma tom·e chanchirimanganiko dakangaha.
Ia tom·anio, ACHIK-ni dilgiparang, Khasi Stu-dent’s Union-ni dilgipa-rang, baksana Nongshram Rongbeng songni mong-songgipa dilgiparang aro ua jolo songdongenggipa manderangba re·bae bakko ra·angpaha. Songo dongenggipa manderangni badi ka·doatani gitade, ua jolo bang·bata nokrangon JJM-ni ringani chirangko da·o-naba man·kujae bang·a neng·nikanirangko man·a nangenga ine parakang-aha. Iani bidingo ACHIK dolni RTI ka·e nianio ma·siani gitade, Nongshram songni JJM-ni kamrang matchotman·ahachim uni gisepon da·ona kingkingba bang·bata nokdangrang JJM-ni chirangko man·kujaenga ine parakatskaengon, iani bidingo nambate che·em che·em am·sandianiko dakna aro ua jolo chirangna neng·nikaniko man·a nangenggipa nokdangrangna ta·rake ja·kurang de·na, A·chik Counscious Holistically Integrated Krima aro Khasi Student’s Union-ni dilgiparang apsan ku·mong nangrimgrike am·sandianirangko dakna sal aro somoirangkoba tik ka·angjolaha.
Nongshram-Rongbeng songo JJM-ni kamrangko nirokna ACHIK-KSU tom·a
Date:
Share post:
