TURA: West Garo Hills a·jani, Tikrikilla, Bhaitbari aro Phulbari-o dam bri SPARK Camp-rangko sal 12-na ong·atange, an·tango bebe ra·ani, gipinrang baksa agangrikani aro mikkangchina niksamsoani iarangni bidingo skie on·anirangko dakangaha.
Indake ia SPARK Camp-ko WHG-ni dingtang dingtang biaprango 2025 bilsini April aro May jaona ong·atanganio, secondary, higher secondary aro college-rang sak 1100 chatro chatrirang bak ra·e bang·a skidapanirangko man·aha. Indake West Garo Hills District Adminitration aro District Mineral Foundation (DMF) baksa nangrime ong·atanggipa SPARK Camps-ko, a·jani dal·roro-baenggipa chadam-berangni miksonganiona chu·sokgipa ong·na man·a gita dakchakaniko on·a miksonge iako ong·-atangaha.
Ia program-ko ong·-atanio, songadam noka-damrangni poraienggipa chadamberang jemangan dingtang dingtang neng·-nikanirangchi iandakgipa skie ra·anirangko man·-pajachim uamangni namgipa janggi tanganina re·mikkanganio dak-chakaniko on·na aro nang-chongmotgipa skie ra·ani-rangnirangko on·na man·a gita iako a·bachengataha.
Program-ko ong·-atanganio mangsonggipa dake skie on·naniko PATH ingipa katta bichongo pangchake skie on·ang-aniko dakangaha jeani mik-songaniara, miksongani, didiani, bebe ong·ani aro ka·dongani ine ong·a. Indake chatro chatrirangko bak bri dake suale, PATH pangchakanio dingtang dingtang bakrango skie on·anirangko dakangaha.
Una agreba, salantio ku·rangrangko ranta ka·ani, jinmao aganprakani, aro namgipa bewalrangko skie ra·anirangko dakangaha. Indake Certificate ceremony-rangkoba Bhaitbari Higher Secondary School aro Phulbari-ni Jawaharlal Nehru Higher Secondary School-o ong·atangaha.
Ia manianio, West Garo Hills a·jani Deputy Commissioner Vibhor Aggarwal iano mongsonggipa sokgipa ong·e jinmana aganprakangengon, ia program-o bak ra·anggipa sakanti chatro chatrirangni skie ra·ani bidingo jana-patengon dingtang ding-tang biaprango SPARK Camp-ko ong·atanganio chadamberangni apsan namgnirangko man·aniko nikna gita man·anina aro ia program-ko chu·sokgipa ong·atanina, chadam-berangna trainingko on·anggipa dolrangko mittelpile aganangaha.
Una agreba, dingtang dingtang skulni Pricipal-rang aro skigiparang, chadamberangni namgipa dingtanganirangko nikna man·ahani giminba pro-gramko a·bachengatanina mittelpilangaha. Indake SPARK Camp-ko angatani changa sapanirangni gimin u·imasianikosan skie on·angan baksana ka·dongani, namgipa bewalo re·mikkangchi cholrangkoba skie on·anganikoba dakangaha.WGH-ni dam brio SPARK Camp-ko ong·ata
