Tura: Garo Hills Deficit School Teachers’ and Employees Association (GHDSTEA) ni ning·o kam ka·enggiparangni ia bilsini March, April, aro May jani dormaha rangko man·kujani a·sel a·dokni Education Department ia tangka-rangko ta·rake on·china gita re·baenggipa antio sal gni na kam ka·aniko don-dipate chutti ra·aniko dak-angna man·chisoahachim.
GHDSTEA President James D. Shira-ni parakatani gitade June 6 tariko Association-ko dilenggiparang a·dokni Education Commissioner, Education Secretary, aro Director of the Directorate of School Education and Literacy (DSEL) baksa Secretariat Main Conference Hall, Shillong-o tom·bim-ongani gisepo Education Commissioner aro Director of (DSEL), GHDSTEA-ni dilgiparangna Association-ni man·gni dormaha-rangko watatmanjok ine u·iataha.
Indake ia man·gni-rangko Association-na ong·angaha ine u·iata ja·man GHDSTEA ni Mass Casual Leave ba Garo Hills Deficit School Teachers’ and Employees Association-ni ning·o kam ka·eng-giparangni re·baenggipa antio sal gnina kam ka·aniko dondipate jingjengatna u·iatgiminko ra·galpilenba kamona re·bapilna ku·chakangaha. Indake ia man·gnirangko dabianio knachakanina a·dokni Chief Minister baksana Education Minister-ko mittelpilangaha.
Unbaksana GHDSTEA ni ning·o kam ka·e cha·pa-enggipa manderangni neng·nikaniko ta·raken knachake namgipa ja·ku ko de·ahanina Education Commissioner, Education Secretary aro Director of the Directorate of School Education and Literacy (DSEL)-ko ba GHDSTEA ni President Shri James D.Shira mittelpilangaha.
