SHILLONG: National Eligibility cum Entrance Test -NEET(UG) 2025-o Meghalaya-oni sak 3869 candidate-rang seoni sak 1681 candidate-rang pass ka·ako Sonibar salo National Testing Agency (NTA)-ni parakataha.
Meghalaya a·dokoni sak 4068 candidate-rang register ka·aha uni sak 3869 candidate-rang porikkako seaha aro sak 1681 candidate-rang NEET(UG) 2025-na chu·sokaniko man·aha.
2024 bilsio sak 4009 candidate-rangoni sak 3815 candidate-rang porikkako seaha aro sak 1849 candidate-rang NEET(UG) 2024-na chu·sokaha. National Eligibility cum Entrance Test NEET(UG) 2024-ko NTA-ni gita ong·ataha, a·song gimiko dam 552 songjinmarango ge-5468 dingtang dingtang centre-rango aro India-ni apalo dam 14 songjinmarango lak 22-na bate May 4 tariko porikkako seaha.
Meghalaya a·dokoni Yoonis Lyngdoh 99.4153397% baksa a·doko top list-o nakataha aro ua NEET rank-o 12899-gipa gadango ong·aha.
